Waiblingen聖誕市場

成日post聖誕市場，悶未？
其實我行聖誕市場唔悶架，因為佢哋各自有主題。
Waiblingen聖誕市場我同王子都未去過，剛到時天仲未黑呢。

天仲未黑，就先參觀呢個聖誕市場嘅其中一個特色－X'mas Celler。
入口無乜特別。

入面係另一個世界！
Waiblingen地下有兩個地下室，位於市政廳廣場下面。
呢個係其中一個，建於14世紀。

呢度係賣本地創意藝術手工藝。

仲有咖啡店

吸收完藝術靈氣之後，外面都天黑啦。

終於等到呢個聖誕市場嘅第二個特色，已經企滿人。

係木偶戲！

套戲一啲都唔悶，仲幾好笑架。
木偶會同啲小朋友互動，啲小朋友又會一齊俾反應，超入戲超興奮。

聖誕火車唔少得。

佢似偷嘢多啲。

月圓之夜，個月亮又大又圓。

本來有人話要食少啲，外出前話佢晚餐食好light已經可以。
如果我咁都信，就真係〝傻的嗎？〞啦。
半路中途，有人改口供，話食多啲都得喎。
返到屋企，得悉有羊有沙律，即時推翻所有口供。