越南蝦膏醬菠蘿炒飯

家裡有剩飯，用越南蝦膏醬及菠蘿做了炒飯。

越南蝦膏醬之前已經介紹過，有興趣可以睇番舊post。
越南蝦膏醬本身有香氣，有啲似中式蟹黃混合越南/泰國香料，所以個飯唔落肉或海鮮炒都好味。

越南蝦膏醬菠蘿炒飯

食譜:

材料﹕
飯3碗
越南蝦膏醬一罐
紅/青椒每種半隻切粒
甘荀2條切粒
菠蘿粒半碗

調味:
魚露2湯匙
鹽少許


下油用少許鹽炒甘荀粒2分鐘，盛起，
下油用少許鹽炒紅/青椒粒1分鐘，盛起，
 炒飯至散，加入魚露、鹽及蝦膏醬炒至略乾，
加入甘荀、紅/青椒及菠蘿粒略炒，試味。