大豐收

家陣去東歐超買餸，次次大豐收。
之前介紹過嘅Kumato黑番茄，東歐超賣得巧巧巧平呀！仲有平時貴貴嘅黃車厘茄，又係巧巧巧平呀！
研究結果顯示，黑番茄的營養價值比普通番茄更高，且含有更多的維他命A和C，味道也更為香甜，它在歐美國家已盛行了好幾年啦。
佢地係好食，但產量較少，貴普通番茄3倍架。

王子望住呢樣嘢，非常好奇。。。
立即問我，是薑？是薯仔？新品種？薑薯？薑薯？！超有想像力喎！
佢係 White Jerusalem Artichoke 白菊芋呀，同之前介紹過嘅Jerusalem artichoke 菊芋，係同家族內嘅不同品種。 

仲有巨人柿子！左面係一般洋超柿子，每隻約130g，右面係巨人柿子，每隻約450g！

這個星期我家都冇食沙律，不太好呢！是日嘅買物，做沙律一流！趁新鮮即做！
沙律汁是我用自家水果廚餘醋調出來的喔。

白菊芋也可以做沙律喔，仲唔使批皮，切片就食得！ 
佢似一種大家應該都愛嘅食材－馬蹄！但比馬蹄較硬一些。Btw馬蹄最好唔生食，好易入腸道生蟲架。
白菊芋係冇呢個問題架，我呢度冇新鮮馬蹄賣，用佢代替真係唔錯！