紅酒無花果亞麻籽葵花籽芝麻包

今日個包名超長呀！
聖誕節，我真係乜都冇做，王子有提出過整啲聖誕裝飾，我非常贊成！如果唔使我做嘅話。。。咁要佢做，佢咪當冇講過囉。
只有呢個包最應節，因為有紅酒同無花果，個包嘅香氣勁聖誕feel。
有啲似走在聖誕市場，鼻子自不然嗅到熱酒，令人即時有响歐洲過聖誕嘅感覺。

王子放大假，做咗兩大條俾佢慢慢食。。。

除咗紅酒同無花果 ，仲加咗亞麻籽、葵花籽同芝麻。
自家出品，材料要又多又有益。
因為係歐陸包，唔使放油，因為我今次做甜包，用咗啲天然紅糖去整。