自製冬蔭功魚露香腸

自製香腸，已經成為咗我嘅習慣。
除咗做港式腸仔包嘅脆皮腸，其他香腸都自己做。
上次自製台式香腸食到王子lam lam脷，好快食哂。
為咗自製香腸，我仲買咗部平平地嘅手動香腸機幫手。

去東歐超買豬肉再整，見pork shoulder大減價，試用pork shoulder整。
反正整，整多啲，東歐姐姐見我幫佢買埋最後兩舊肉，竟然主動平俾我。
本來已經好平，仲平俾我？！
最後6kg新鮮豬肉，佢話9歐喎。。。
9歐？！？！？！？！咁少？！？！？！？！

6kg新鮮豬肉切小粒，切咗我個半鐘呀！
除咗台式香腸，今次仲試做冬蔭功魚露香腸，風乾咗兩日先食，味道ok，不過冬蔭功味唔夠濃，下次要重手啲！

超市有跳樓貨荷蘭豆，2歐減到0.5歐，加啲蘑菇，又一碟！