日式味噌鱈魚肝海鮮鍋

我的第一樽手造味噌，開咗黎食啦！
呢樽係第一樽，壓得唔夠實，中間空氣多啲。

去咗面果層就可以用。
好好味呀！醇厚又鮮味。
呢樽係白味噌，甜味重啲架。

天氣凍，想食日式鍋物。
在日本，有種漁師鍋物，是極品。
漁師即是漁夫，住在海邊嘅漁師，冬天捕魚，會把魚肝割下，做鍋物。
我買不到新鮮魚肝，只好用罐裝鱈魚肝代替。
罐裝鱈魚肝是用鱈魚肝油及汁浸住，非常有益，很重Omega 3。

味噌、鱈魚肝加上清酒，壓碎成湯底醬。好簡單，但好美味架。
魚塊略出水。 鍋內加入蔬菜、魚塊及水，煮至蔬菜淋，再加入靑口煮至靑口開口。
喜歡嘅可以加昆布、海藻。不夠味可再加點味噌。

這個日式鍋物，日本人會熱住佢一家人圍住食。
我用咗鑄鐵鍋，食到尾仲熱呀。

另一味係茄子燜豬肉。

湯底好香好甜，完全沒有腥味。
好似去咗吃日本菜時，叫鍋物那種獨有嘅風味。
手造味噌一點都不咸，只覺鮮味，是很天然嘅調味。
靚味噌，是靚湯底嘅首要條件呢。
王子堅醒，知道湯底係好嘢，不斷添湯。

今晚食得好飽呀！大滿足！