水果醋醬油豬扒

這天要用自家水果廚餘醋去做菜，有點似照燒嘅菜式。
不知你有沒有吃過柚子醬油，吃火鍋、涮涮鍋、烤肉和煎餃都會用到，好好味。
呢個菜式有啲似架。

用水果醋加上醬油及糖調好醃汁。
自家水果醋唔太酸架，所以我可以不加水去調醃汁。
如果你用市售水果醋，裡面會有酸味料，酸啲架，所以要加水去調醃汁。
一般照燒會加酒、味醂，我沒有喔，不希望酒香蓋過果香呢。
醃汁調好可以試味，再加入豬扒，醃汁要蓋過豬扒喔。
然後入雪櫃，放大半天又可以， 放幾天又可以，耐啲又入味啲囉。
啲肉會慢慢吸啲醃汁，色澤會變之外，肉質亦會變淋，係一種用果酸嘅天然鬆肉方法。
燒熱易潔鑊內，不用加油，加入豬扒，用大火煎每面2分鐘，
加入醃汁煮滾，拿出豬扒，用大火煮醃汁至剩下1/3，加入豬扒煮至熟。

水果醋醬油豬扒。