又焗包

我家嘅綜合水果廚餘天然酵母越養越强壯。
又試試效果，今次發酵好快。
今次個包更好食。

Sunday Brunch，做了兩種包：左面是黑橄欖white combi芝士包，右面是海鹽芝麻包。
White combi cheese 類似 feta cheese，不過係用植物油做嘅。
做了幾次實驗，也失敗過，開始發現，天然酵母嘅活力，不取決於水果廚餘酵母水嘅濃度，反而係餵粉嘅次數，所以每一次做包，唔好用哂所有天然酵母，留啲舊酵母去再養新酵母，養酵母會快好多，酵母亦越養越强壯。
據說，這樣不斷養落去嘅天然酵母，做出來嘅包會好好食。
這樣不斷養落去嘅天然酵母，也比較省時呢，不用次次從頭養。
多養了天然酵母，放在雪櫃，要用時再餵粉養下佢，等發酵，又用得。
唔用嘅天然酵母，放在雪櫃，要每星期餵粉，每幾星期換樽，就可以養落去。

個包好鬆軟，熱食時，甚有棉花糖、戚風feel。
天然酵母包唔多上色，不過冇所謂，好味就可以。

亞麻籽Combo salad，健康呢。

隔夜白酒蕃茄三文魚湯。
王子似乎好like呢個湯，估佢唔到呀。