鮮茄豬扒飯

王子打電話返屋企，話今晚早啲食飯，佢食完飯要去焗桑那浴。
因為係星期四，我心諗， 焗完桑那浴返到屋企成11點，第二朝唔使返工咩？？？
不過我唔鐘意管佢啲事嘅，所以又冇問佢。
佢返到屋企，我問佢攞飯盒洗，佢話佢唔記得帶返屋企，實發霉云云。。。
點會呀，第二朝洗咪得囉。

超懵呀我！原來唔係星期四，係星期五呀！
於是本來要煮嘅餸入番雪櫃，好彩未煮咋。
簡單鮮茄豬扒飯，加杯自己煲嘅蘋果茶就算啦。
呢排天氣成日變，一時超大風，一時落大雨，出一陣太陽又陰天，一星期得兩日有少少陽光咋，成日陰陰沈沈，心情都差啲。
蘋果茶好味，熱乎乎，飲完心情都靚啲。