自製意大利香草蒜茸腸

今晚食呢啲！

超市豬牛混肉又有跳樓貨，平到唔買會後悔嘅地步。
買咗2.5kg，今次自製意大利香草蒜茸腸，風乾一日先食。
呢度係一部份咋。
王子話個樣好專業，好似响肉佬度買番黎咁。

啲蔬菜先焗10分鐘 ，再放腸，再焗15分鐘就ok。
全部入焗爐，真方便。

我用咗好多不同質感同顏色嘅蔬菜，唔係太多肉，但係好多蔬菜。
今次呢個意大利香草蒜茸腸調味我滿意呀，夠香草又夠蒜味，也比市售腸淡點。
係呀，市售腸其實鹽重架，王子經常要求，自家製嘅食物要少鹽。。。