茄子忌廉芝士醬

是日食素。
屋企有茄子同低脂忌廉芝士，我打算整茄子忌廉芝士醬。
焗爐預熱至250度，焗盤鋪上鍚紙，掃油， 茄子切約1cm厚，掃或倒些橄欖油在茄子面，灑上少少海鹽及黑胡椒碎，放入焗爐中上層焗至軟。

待涼，茄子會出水，倒去水。
用义壓壓啲茄子，讓茄子出水。
如果茄子水份多，可以倒茄子入濾網篩子，再用义壓走水份。
茄子水份越多，醬會越稀架。

攪拌器內加入7-8片茄子，加入蒜頭數粒(多啲香啲)、辣椒碎、海鹽及香草。

攪攪攪。。。
如果你介意食茄子皮，或者個醬帶啡，可以去皮先攪。

加入調味，加入低脂忌廉芝士再攪攪。

我鐘意個醬杰啲，杰到插到個匙羹架。
試味。

味道ok可以入盒，灑上少少辣椒碎做裝飾，入雪櫃可以食幾日。
搽多士、整三文治，點墨西哥玉米片乜都得啦。

是日買咗新鮮中東扁包，搽上茄子忌廉芝士醬，加上沙律菜。

捲起食得。
還有大豆芽剩下，做了蕃茄大豆芽椰菜花濃湯。