瑪卡 - 秘魯人參

我跟王子去秘魯自由行時，不時見到瑪卡。
最近肥媽節目提及瑪卡，我醒起健康食品店都有，又去買番樽補吓身。
西人世界， 瑪卡唔係原隻/原片去煮，係磨粉食架。

節目見原隻瑪卡要200蚊両，即係1,600蚊半斤啦。
片裝瑪卡都要100蚊両，即係800蚊半斤啦。
我呢度半斤裝，11歐咋！！仲要係有機產品喎！！

雖然瑪卡出名在壯陽效果，但千祈唔好諗錯隔離，其實我係買俾自己補身架。
因為瑪卡都有其他作用嘛：人累冇精神、情緒低落、皮膚差咗、女性健康問題等等，都啱食。
包裝已經教咗人點食，好方便，完全唔使煲唔使煮架。

味道係甜中帶微甘，有啲花生香味，又有啲人參香味，唔錯架。