A貨竹蔗茅根水

是日，要做啲慳家環保嘢。
小菜園有幾顆發育不良嘅粟米，見到就眼冤，都係早早清除佢算啦，粟米芯，秋葵都係長得麻麻，也被我一併清理，再加上自家種嘅蕹菜，炒埋一碟就當一碟餸。

剩下一大堆嘅粟米莖，粟米葉，粟米鬚，自己種嘅有機嘢，一定唔會浪費啦。
這星期有兩次嘅bbq gathering，好熱氣啊。。。今日用佢哋煲水飲，清熱氣㗎。

其實好簡單，洗乾淨，切段，加水煲一個鐘頭左右，加入少少糖，就可以飲用啦。
其實我係用超甜粟嘅莖，葉，鬚去煲，本身佢哋已經有啲甜味，所以如果唔想落糖，其實都可以。

一大煲，今日唔駛再煲湯lu。
因為我有好多材料，顏色就會深啲，而且屋企老人家教落，可以翻煲，就係飲到剩番少少嘅時候，加水再煲多次，會淡味啲，但係就冇浪費，可以用盡啲食材。
天氣熱，可以放涼入樽，雪凍當健康飲品。
呢幾日天氣涼咗，我都係選擇熱飲。
味道係有啲似竹蔗茅根水嘅，如果你喜歡，仲可以加啲甘筍一齊煲添。

下次遇上粟米莖，粟米葉，粟米鬚之類，或者菜販不要時，好以考慮煲嚟飲，真的不要浪費啊。