湯渣又再來

包餃子自己搓皮，剩下麵糰，不浪費，將佢入雪櫃，隔天還可以再用。

我哋今日會用啲殘餘物資，整一道菜式出來。
家中煲完印度椰子素湯，又有湯渣，裡面有甘筍，蓮子，百合，洋薏米同眉豆，今次用嚟做素餃子。
湯渣用篩隔去湯，加入炸蒜片，炸洋蔥片，鹽（多一點，因為食材已經冇乜味），少少麻油，少少日本醬油，少少糖，蠔菇，搞碎。
跟住就可以好似平時咁包餃子啦。

是日午餐全家福。

印度椰子素湯。

湯渣煎餃，餡料是軟腍的，王子起初以為係南瓜餃子，因為係甜甜嘅而且質感都似，當佢知道係湯渣時，驚訝不已。
這個湯渣餃子味道是不錯的，但係我鍾意比較有口感嘅餡料，南瓜餃子同薯仔餃子呢啲比較軟腍嘅餡料唔係我杯茶，下次我會改下個食譜，等佢有返啲口感。

再加多一點蒜芯蠔菇炒牛肉，開飯喇。。。。。。。。