素版蘿蔔牛腩湯

買到可靚好肥嘟嘟嘅白蘿蔔，仲有靚靚超甜粟米。
突然間好想飲蘿蔔牛腩湯，不過想了想又想，還是不要吃太多肉，不如整個素版蘿蔔牛腩湯吧。

我未試過用白蘿蔔煲老火湯，今日呢個湯，係跟別人學的，據說味道十分好，好濃郁，同蘿蔔牛腩湯有幾分相似。
材料我用咗已經浸好嘅蓮子，百合，眉豆，冬菇，仲有粟米，紅蘿蔔，腰果，兩片薑，而最特別嘅，係要放入一兩條嘅西芹／唐芹，連葉放，佢會為呢個湯帶來一份特別嘅香氣。
先煲湯至80%完成程度。

湯渣我有另一個煮法，先將佢撈起，跟住將加入白蘿蔔件，煲埋剩下嘅20%時間，加鹽調味就可以。

個湯煲緊嘅時候我已經覺得好香，好有蘿蔔牛腩湯個種香氣，湯色亦都似，而且係真係好味好濃郁嘅！下次再想飲蘿蔔牛腩湯，但係又唔想攝取咁多動物脂肪時，就會再煲呢個湯啦。