美好的時光

周日，天氣繼續放晴，25度，和暖，氣溫剛剛好。
在土超買咗有機香蕉，有機香蕉近年我開始喜歡買，總係覺得特別好味。
見雪櫃有牛油，便想到焗蛋糕來。
家中無一般合桃，但係有pecan nuts（長山核桃），我覺得長山核桃比較好味，有時買到嘅普通合桃會有些少苦澀味，王子會投訴，但係長山核桃就未試過有呢個情況。
午飯後把蛋糕焗好，放在架上放涼，準備下午茶時享用。

三點三，王子在花園曬日光浴聽歌，本來打算叫佢食下午茶。
透過玻璃門，見到這個很美嘅畫面。
三色貓在外玩耍回來，見到王子曬太陽，馬上過去親熱一吓。
和暖太陽灑在身上，兩人依偎在一起，看到王子對佢嘅溫柔，同三色貓幸福嘅表情，真是美好的時光。

王子溫柔撫摸佢，三色貓開心不已，發出咕咕聲，空氣中有著一股愛嘅力量，一幕人貓情未了。
我也不好打擾，悄悄拿起相機，將佢哋深情嘅一幕拍下。

王子，當然忘不了下午茶啦。
三色貓再次出去玩耍，王子便馬上來找蛋糕吃，簡單嘅周日，就係咁樣渡過啦。