派福利

我哋大超市嘅寵物部有一定嘅規模，以前我從不涉足，依家三色貓嚟咗，我就要留意吓邊隻貓糧貓零食好啲，幾時有減價之類啦。
平價貓糧佢係唔吼嘅，不過我都唔想俾佢食，怕影響佢身體健康，起碼要食中價以上嘅。
呢排天氣涼咗，佢係咁食，應該係要增肥入冬喇，再加上天氣凍咗，佢捉唔到老鼠食，一包貓糧好快俾佢食晒。
不過，這天，有福利派。
這品牌係我買開之中最平嘅，各式派福利活動亦係最多，三色貓都幾鍾意食佢啲產品。
最近產品有新配方要推出，打算測試消費者（即係各大貓姐貓哥）反應，每個住戶可以免費要三包。

係三包呀！！！
每包係950g！！！超級派福利啊。。。。。。。
佢有三隻味，我就每樣要一包，睇下三色貓鐘唔鐘意食。
其實類似嘅派福利活動久不久都有，唔同產品都有，但係好似今次派咁多，真係好誇張囉。
三色貓，快啲講多謝啦。。。。

另一樣就係收集優惠券啦，真係唔好睇少佢哋，實在係慳返唔少錢㗎。
好似右手邊個張，每包貓零食可以減0.5歐，變相仲平過買平價零食呢。