新嘗試

我好鍾意食土耳其米，久不久會去入貨。
去開土超，見屋企用開嘅眉豆差唔多用晒，係時候要入啲新豆用來煲素湯。
成日都係用眉豆，真係有啲悶，係時候要試下新嘢。
土超好多豆嘅選擇，佢哋好鍾意食豆㗎。
今次買呢兩種，都係新嘗試。

白色呢隻係白腰豆，估吓好多時係用嚟做乜？？你實識㗎。。。

係茄汁焗豆，因為佢中心好棉，而且唔容易成粒碎晒，再加上有啲nutty嘅味道，所以係好適合嘅原材料。
另一包係蠶豆，我諗大家都食過啦。

用佢哋嚟煲湯，加咗紅菇同自家種嘅粟米，都好甜呀。
如果講好食，一定係白腰豆，真係好棉，咬落口感好好，好好食。
蠶豆就比較粗糙，但係就有一種獨特嘅香氣。