週六午餐

週六，天氣好差，超級密雲，兩個人响屋企靜靜地撐枱腳。
今日係三個涼菜配一個湯。

有鮮奶雞湯，開始入秋，叫做補下身啦，仲落咗杞子，淮山，茨實，蓮子，百合，一齊煲，啲淮山煲到爛爛地，飲到落底時有啲起沙，我最鍾意，落咗鮮奶嘅湯，王子都係鍾意嘅。

牛蒡有收成，啲葉都唔好嘥，用嚟整麻醬拌牛蒡葉，我家王子超鍾意食。

輪到我鍾意食嘅日式炒牛蒡絲，我好鍾意佢嘅香氣同口感，好爽口好好味呀！！

另一個菜式係薑蔥油拌雞絲紫薯水晶條，紫薯水晶條我第一次食，呢個係王子心水，佢覺得好爽口好好食呢。