慢燒牛肉

超市嘅普通燒牛肉有半價，好抵食啊。。。
其實我未買過普通嘅燒牛肉，平時都係買開貴價嘅牛仔肉，或者係aged咗嘅牛肉。
不過見咁平，又不妨試吓。
周日，我哋食慢燒牛肉。

係咪好靚呢？？粉紅粉紅㗎。
今次呢塊牛肉大概1.2kg，我用香草，鹽，黑椒，橄欖油醃完之後，放至牛肉變回室溫，焗爐100度慢燒大約兩小時，今次慢燒後，我無做searing，所以烤嘅時間會長啲。
我影緊相嘅時候，王子已經揸定刀叉响度等食啦。
今次無煮汁，王子話想食清啲，食原味，淨係加咗少少黑松露醬俾佢。
一分子一分貨，確實係無貴價牛肉咁好食，肉味好但係無咁嫩滑，之但王子一樣咁鍾意，覺得呢個性價比好高，食得過，一定要再入貨喎。

我就一直拖字訣，唔買，抵買係真嘅，但係佢次次見到燒牛肉都會發狂係咁食，食咁多肉真係唔好，都係等下次再減價先買啦。