素炒飯

依家久不久，都會自製麵筋用來代替肉，有豐富蛋白質之餘，吃罷感覺良好，完全沒有想念吃肉嘅感覺。
之前說過，自製麵筋可以多做一點，這幾天做好一盒，又拿一點來用，做個素炒飯。
易潔鑊內加入少少油，開小火，用剪刀將麵筋剪成肉丁呎寸，細細粒，然後開中火，將素肉丁煎至兩面焦黃。

加入冷飯，蠔菇，炒炒。

屋企有剩下嘅韭菜煎蛋，切碎加入，剛好屋企整咗盒上海蔥油，上海蔥油香氣十足，十分適合用來配搭素食，加入素炒飯，炒出來個飯會香好多。
如果無，加入自己喜歡嘅調味就可以啦。
如果不夠味，可以另外加鹽。

飯夠乾身，就可以加入少少切碎咗嘅西生菜，轉大火，炒多幾十秒，就可以上碟喇。
西生菜會為素炒飯帶來爽爽嘅口感，所以不要煮得太軟腍啊。

我今日仲炒咗啲飯焦出來呢。