湯渣再處理

呢排經常有素湯飲，是日，又有一堆湯渣。

 
好耐冇食牛筋，今日食番餐先得。
熱水內加入紹興酒，將牛筋出出水，跟住沖沖水。

鍋內加入紅酒，味噌，炸蒜片，炸洋蔥片，日本醬油，糖，鹽，煮滾後試試味，再加入牛筋炆至軟腍，最後加入湯渣，加多一點調味，炆多15分鐘左右，試味，熄火，加蓋焗1小時以上，有時間嘅話，焗耐啲啲湯渣會更入味。
食前翻熱就可以啦。

是日我有事辦，一早煲定湯，整定一窩紅酒味噌炆湯渣牛筋，回家只要翻熱，煮點飯就可以啦。

呢排粟米好靚，用來煲素湯真係一流。

紅酒味噌炆湯渣牛筋，碟頭飯，啲湯渣已經唔似湯渣，好入味，平時跪求王子先肯食哂嘅湯渣，因為發覺咁樣煮好好食，唔駛叫都自動波食晒。

過兩日，又有一批新嘅湯渣，要諗諗新方法處理佢。