我的網誌清單

2016年9月2日星期五

韓式青口清湯

開始進入秋天,藍青口上場啦。
今日仲買到跳樓貨添。
是日,我打算整韓式青口清湯。


今年天氣唔好,連帶菜價都貴到飛起,有好幾次,响超市嘅蔬菜部行咗幾轉,都係買唔落手,明明係夏天,菜價就好似冬天咁,咁,今年咪好慘囉,夏天未食過平蔬菜,轉眼間踏入秋冬,又要捱貴菜。。。。
嬲嬲地,唔鬼買啦,用咗小菜園嘅蘿蔔同翠玉瓜嚟做湯嘅配料。
鍋內放入兩大碗水,加入蘿蔔片,蘿蔔葉段(如果有),已浸透嘅海帶,蒜蓉1湯匙,少少白胡椒,中火煮至材料軟,中間可以用湯匙去除啲泡泡。


加入翠玉瓜片同青口,攪拌一下,煮至青口開口就可以,跟住加入約一湯匙嘅蔥花,攪拌一下,等一分鐘,試味,睇下夠唔夠鹹,ok就可以盛起啦。


放入碗後,灑上少少蔥花,熟蒜同麻油,加一小碗麥穀糠燕麥飯,就係我哋今晚嘅清淡晚餐。


清淡得嚟,呢個湯好鮮味,啱晒要減磅嘅王子。
其實呢個韓式青口清湯通常仲有個汁料,用來點啲青口食,不過我覺得都夠味喇,唔好食咁咸,就唔整lu。


19 則留言:

  1. 個湯夠鮮甜呢! 自家菜園仲正啦.

    回覆刪除
    回覆
    1. 係好甜好鮮味,其實用蜆都好好味,不過我哋冇
      自家菜係正呀,不過今年天氣真係麻麻,有部份仲係影到無

      刪除
  2. 貓咪聞到香味,有無喵喵叫?

    回覆刪除
    回覆
    1. 冇㗎,佢對我哋啲食物無興趣,見到我哋食嘢,佢都唔會騷擾我哋

      刪除
  3. 貓咪聞到香味,有無喵喵叫?

    回覆刪除
  4. 我地似乎長期都有新鮮益青口喎,你地賣的是入口貨?

    回覆刪除
    回覆
    1. 我哋只係得魚市場長期有新鮮嘅藍青口,如果超市就只會入秋左右先開始有
      我哋通常都係食入口貨,呢pack係荷蘭嘅

      刪除
  5. 回覆
    1. 真係好貴,有啲仲要係上年夏天嘅三四倍呀

      刪除
  6. 我這邊的青口有些會有螺殼和海草黐住,如果用來煲湯都幾多功夫清理㗎!

    回覆刪除
    回覆
    1. 我反而羨慕你哋有呢種,不過如果有呢種,我會買,寧願花少少功夫自己清理,好味啲新鮮啲㗎

      刪除
  7. D 薯仔最近都貴到飛起

    回覆刪除
    回覆
    1. 我哋薯仔算係好啲,只係貴咗少少,番茄青瓜三色椒呢啲夏天嘢,真係貴到飛起

      刪除
  8. 「其實呢個韓式青口清湯通常仲有個汁料,用來點啲青口食,不過我覺得都夠味喇,唔好食咁咸,就唔整lu」夠哂健康!

    回覆刪除
    回覆
    1. 王子其實食得淡過我,如果落多咗鹽,佢會出聲架

      刪除