沾沾自喜

王子最近做身體檢查，某日攞完報告，非常沾沾自喜。
原來佢估唔到自己會俾醫生盛讚，話佢各樣指數都好靚仔，唔多人可以咁樣。
醫生竟然仲請教佢，點樣可以保持到，佢就話同平時佢嘅飲食習慣有關。
返到公司，連啲同事都好驚訝，原來佢哋大部份嘅體檢報告，或多或少都有啲問題，其中有一兩個，仲係好年青，已經俾醫生勒令要將生活同飲食習慣完全改變。
返到屋企，佢心情勁靚，即刻提我，要繼續煮多啲有益嘅健康餐俾佢食。
是日，都係健康餐，兩個素菜加一個老火湯。

王子問我係咪素湯，99%係囉，佢聽完笑咗出嚟。
呢個係西洋菜陳腎湯，西洋菜係自己種嘅有機菜，除咗西洋菜陳腎，仲落咗啲圓肉，蓮子，百合，甘筍同眉豆，但係就冇落肉啦。

是日兩個素菜都好美顏㗎。
素菜一：番茄炆海茸素肉。

素菜一：芥蘭頭炆冬菇雪耳蟲草花。
王子開始好鍾意食蟲草花，仲係咁同我爭食添，突然擔心，存貨好快會被食晒。。。。