漏網之魚

某天，响小菜園淋水時，發現咗一條超大嘅翠玉瓜。
真係唔知點解會發雞盲，一直無留意到。

小菜園嘅另一角竟然長出節瓜來，雖然只係得一個，但係感恩才是王道。
我讓它長下去，看看可以長到有多大。

另一個意外驚喜係茄子，終於有啲起色，有一隻開始長出來啦。

泰國辣椒亦開花結果啦，今年天氣咁涼，啲植物生得超級慢，但係遲到總好過無到。

過了兩天，王子突然感冒，我打算煮得清淡點，把巨型翠玉瓜割下，有1.5kg呢。
簡簡單單用來炆齋，只係加入黃耳，香菇，蟲草花同筍片，已經好清甜，好好味呢。