我的網誌清單

2016年9月10日星期六

低脂焦糖燉蛋

某日嘅跳樓貨係鮮奶。
Hmm。。。整乜好呢。。。。。
不如整低脂焦糖燉蛋。
呢個真係唔係法式嘅焦糖燉蛋,法式要用上鮮忌廉,而且係用蒸焗嘅方法整出嚟,好香不過真係好邪惡,我呢個只係用咗全脂奶,所以相對算係低脂吧。
我嘅習慣係,有甜品一定要有咖啡。


做法都好簡單。
800ml 雞蛋,加入4湯匙砂糖,拌勻,再加入1 liter 鮮奶,拌勻。
將蛋液注入杯內, 在用小匙去除上面嘅泡泡,上面包上錫紙。
煲滾水,轉中細火,火不能太大,隔水蒸15分鐘左右,熄火,再焗5分鐘,檢查是否已凝結。
如果你嘅杯細,就要減少啲時間。
取出,放涼,入雪櫃。
食之前灑上砂糖,用火槍燒吓就完成啦。
我好鍾意呢個起到一塊嘅焦糖啊。。。。。。。


要遷就王子口味,我無整到啲蛋勁滑勁水汪汪果種,反而係實返少少有啲口感果種。
如果你鍾意滑啲,可以將蛋液份量減到750ml左右。


18 則留言:

  1. 回覆
    1. 通常燉蛋,蒸水蛋呢啲食物都係咁,呢個份量其實分到好多杯出嚟啦

      刪除
  2. 我都喜歡食這個, 不過家無火槍。

    回覆刪除
  3. 冇火槍,燉滑蛋都好吃。

    回覆刪除
  4. 蒸、焗、燒,真係多工序喎!

    回覆刪除
    回覆
    1. 唔係呀,蒸焗係一個過程,不過呢個相對中式糖水,係多工序囉

      刪除
  5. 呢個燉蛋方法好得多,因法式的要先煮蛋液鮮奶,一不小心就會煮壞!

    回覆刪除
  6. 我覺得做法一D都唔簡單,我好鍾意食架,冬天會買現成的回來焗。

    回覆刪除
    回覆
    1. 中式就好啲,但係法式就真係多工序,而且好高卡路里添,現成嘅其實我未買過呢

      刪除