我的網誌清單

2016年9月22日星期四

素湯與素米

天氣一早一晚開始好涼,真係有啲入秋嘅感覺啦。
家中有一堆事情要做,要準備好秋耕,又要做一點清潔工作,都係食得簡簡單單算啦。


呢排粟米好靚好甜,趁著仲有,呢排成日用嚟煲素湯。
王子覺得呢個湯好好味,勁大碗都飲得晒。


超市嘅芥蘭頭減價,剩下一大堆葉子,我就無浪費啦,攞咗返屋企,用來自己醃雪菜,菜價咁高,食得真係無謂浪費囉。
今日好攰呀,都係用咗佢同雞油菌,簡簡單單整個雪菜雞油菌炆米粉,清清地一餐,都唔錯呀。


23 則留言:

  1. 簡簡單單都好正!炆米粉+素湯都係我好愛嘅配搭!

    回覆刪除
    回覆
    1. 係呀,我都覺得咁樣幾好

      刪除
  2. 我都好耐無整雪菜,炒米粉,做湯米粉都好食。

    回覆刪除
    回覆
    1. 如果有蘿蔔葉,芥蘭頭葉,又可以整嚟食呢,我突然想食雪菜火鴨絲炆米。。。。

      刪除
  3. 我度最近芥蘭頭又係減價,我揀啲多葉嘅買。

    回覆刪除
  4. 睇見你咁顧家,又很享受自己付出的一切,覺得你們好幸福……
    嘻嘻,仲好似有啲農家樂呢!

    回覆刪除
    回覆
    1. 都係平凡人嘅生活啦,反而種植方面仲係要累積多啲經驗,今年收成比預期差呢

      刪除
  5. 香港乜都貴,而且唔靚,
    秋天芥蘭收成好,減價
    芥蘭頭都好多用處,唔錯...

    回覆刪除
    回覆
    1. 香港物價真係好高,貴之餘,我識好多人依家都好怕蔬菜唔安全,真係同以前好唔同。。。

      刪除
  6. 秋風起有無準備整蠟味飯食下^^

    回覆刪除
    回覆
    1. 冇呀,其實我應該自己整啲臘腸,但係又好懶喎。。。

      刪除