素湯與素米

天氣一早一晚開始好涼，真係有啲入秋嘅感覺啦。
家中有一堆事情要做，要準備好秋耕，又要做一點清潔工作，都係食得簡簡單單算啦。

呢排粟米好靚好甜，趁著仲有，呢排成日用嚟煲素湯。
王子覺得呢個湯好好味，勁大碗都飲得晒。

超市嘅芥蘭頭減價，剩下一大堆葉子，我就無浪費啦，攞咗返屋企，用來自己醃雪菜，菜價咁高，食得真係無謂浪費囉。
今日好攰呀，都係用咗佢同雞油菌，簡簡單單整個雪菜雞油菌炆米粉，清清地一餐，都唔錯呀。