蒲精

最近好多時候見到超市有貓嘅嘢大特價，咁見到啱用，就要入下貨啦。
買咗幾張貓氈，話係什麼高科技放敏感防菌防臭，都唔知流定堅，見好抵買，就買幾張啦。
最鐘意呢張VIC。。。

三色貓真係超級蒲精，呢排一星期梗有幾日走去玩通頂。
其實我都唔知中間佢有冇返過嚟，有時候，响花園發現老鼠嘅殘骸，先知佢曾經返過嚟。

咁玩法，一定好殘花feel啦，佢唔怕喎，因為你根本睇唔到佢啲皮膚，而且，佢仲細，仲有大把青春本錢。

不過就一定好攰，日間就返嚟瞓覺瞓到昏迷咁。

條友仲成日發夢，今日係瞓瞓吓無端端打功夫，無啦啦响度出拳。
城寨英雄？？？貓仔？？？
瞓飽啲，今晚再玩過。。。