我的網誌清單

2016年9月12日星期一

蒲精

最近好多時候見到超市有貓嘅嘢大特價,咁見到啱用,就要入下貨啦。
買咗幾張貓氈,話係什麼高科技放敏感防菌防臭,都唔知流定堅,見好抵買,就買幾張啦。
最鐘意呢張VIC。。。


三色貓真係超級蒲精,呢排一星期梗有幾日走去玩通頂。
其實我都唔知中間佢有冇返過嚟,有時候,响花園發現老鼠嘅殘骸,先知佢曾經返過嚟。


咁玩法,一定好殘花feel啦,佢唔怕喎,因為你根本睇唔到佢啲皮膚,而且,佢仲細,仲有大把青春本錢。


不過就一定好攰,日間就返嚟瞓覺瞓到昏迷咁。


條友仲成日發夢,今日係瞓瞓吓無端端打功夫,無啦啦响度出拳。
城寨英雄???貓仔???
瞓飽啲,今晚再玩過。。。


21 則留言:

  1. 好可愛呀~佢會唔會打呼嚕gar?

    回覆刪除
    回覆
    1. 我未聽過呀,但係佢會有夢話,同埋好多動作囉,好搞笑㗎

      刪除
  2. 好可愛呀~佢會唔會打呼嚕gar?

    回覆刪除
  3. 對手好似撓住咁好攪笑!佢每次返嚟都會訓同一個位架?

    回覆刪除
    回覆
    1. 係呀,好似武功師傅準備出招咁。。。哈哈哈
      佢瞓覺睇心情㗎,通常佢會揀自己想瞓屋嘅邊一層,每一層佢都有個固定位瞓覺囉

      刪除
  4. 回覆
    1. 佢仲係好爛玩嘅細路,唔知幾時先定性啲。。。

      刪除
  5. 啲書有冇講夜晚出面有乜玩呢?

    回覆刪除
    回覆
    1. 有講㗎,貓嘅視力響夜晚會強好多,夜晚佢哋會睇到多啲嘢,佢哋鍾意睇到啲响黑夜郁郁下嘅嘢,另一樣係貓有樣好似mind map嘅嘢,佢會不斷更新呢個地圖,所以有時會發現佢哋會好似看更巡樓咁,走來走去,同埋其實佢哋好多時喺响出面匿埋等獵物,等等下又瞓著咗,瞓醒又再等,等到悶就去第二度,如果捉到獵物,就會不斷返去同一地方再等過。。。

      刪除
  6. 回覆
    1. 佢真係好爛玩,唔知幾時先定性

      刪除
  7. 我小時候的家貓因為我知道佢咬斷過老鼠的頭,無頭的老鼠屍身放在我牀邊,我就被牠嚇怕了!也許佢要在我跟前表示實力掛?!

    回覆刪除
    回覆
    1. 我睇書話係,佢想引你注意,想教你點打獵

      刪除
  8. 回覆
    1. 佢大部份時間仲好乖添,不過就好爛玩囉

      刪除
  9. 回覆
    1. 其實佢平時都係好乖㗎,最麻煩就係佢精力過多嘅時候。。。

      刪除
  10. 蒲唔緊要,唔好帶賀禮返來就好了wakakakaka....

    回覆刪除
    回覆
    1. 仲有帶呀,不過就少咗,同埋佢知道賀禮要放屋外囉

      刪除