炸湯渣軟餅

又有一盒，不過我已經有新煮意，一定唔會浪費。

懶嘅緣故，今日唔想切切切，用攪拌機搞掂算啦。
先將一啲有口感嘅蔬菜攪拌至小塊，唔駛太碎，等有啲口感，我今日用咗紅椒同豆。

倒出，放入湯渣，一隻蛋，鹽，黑椒碎，蒜粉，攪碎。

倒入大盤，加入蔬菜碎，屋企仲有啲粟米，又放入去，加入6－7湯匙麵粉，適量泡打粉。

拌勻後會有點杰撻撻，咁就啱啦，等一小時，一小時後蔬菜會出水，會濕返少少，咁就會啱啱好。

跟住，中大火炸至金黃。

今日嘅湯渣系列，係炸湯渣軟餅，配燒烤味嘅茄汁，同日本芥辣奇妙醬。

外脆內軟㗎，中間係軟腍腍嘅，類似芋角果種質感，食落有啲似軟心炸薯餅／炸蕃薯餅嘅感覺。
呢樣嘢亦都好飽肚，淨係食佢都好飽啦。
如果比對呢張相同第一張相，係咪吸引咗好多呢？？？？