中世紀聖誕市場－Esslingen(1)

Esslingen嘅聖誕市場非常有名，天未黑我哋已經去到。

同其他聖誕市場一樣，入場之後係行買睇食飲。

呢檔賣嘅係仿照Esslingen啲建築嘅模型。

因為係周日，好多好多人呀。

呢檔鮮烘麵包好多人買，幾得意不過其實食味一般。

看見這些蠟燭嗎？係啲小朋友自己設計同親手整架

先上色。

後面有工作枱同唔同工具，唔明先有導師幫下手。
可能呢度啲細路返學主要係玩同學習生活技能，導師同家長只會企埋一邊等佢哋自己探索。
啲細路其實好細個，下圖藍衣小童大約4歲，我見佢行來行去，望下啲人點整，過一陣佢已經自己走去開工，勁獨立。
我叫咗兩個細路俾我影佢啲製成品，左邊條似唔似茄子？

穿過呢度，便正式進入中世紀聖誕市場。

先睇中世紀嘅遊樂場，裡面係中世紀流行嘅遊戲。
有用人力推動嘅摩天輪，只招呼小孩。
個摩天輪唔係仿製品，係由中世紀留到依家架。
啲小朋友係咁尖叫，家長係咁舉機影相。

入咗中世紀聖誕市場，多咗好多古裝人。
呢個係中世紀遊戲－鐵球擲雞蛋。

呢個玩一次1,5 Taler，〝Taler〞係以前嘅貨幣，亦係英文〝Dollar〞嘅起源。

呢個係願望井。