某天同王子外出，轉車時見到好多警察站在對面月台，大概有30個，唔知响度做乜。
跟住我哋四圍望，見到有幾個球迷，即係有賽事。
跟住有架火車到站，月台即刻好多人。。。
原來要將啲人分流。
其實成個月台好長，都有成6、7組人架。
球場站封咗，由呢個車站行到球場要成20分鐘，外面要全封路，仲有好多警察、警車、鐵馬同真馬守候住。
距離開場仲有排，啲球迷已經好興奮激動，不斷响個月台唱歌、嗌口號。
未比賽已經咁， 比緊賽時仲飲埋酒，仲容易失控。
我試過一次，可能爭出線啦，見到兩幫人開始互駡，啲警察好緊張，即刻着衫立武器做嘢。
見到呢啲場面我幾八都唔會埋去，即閃架，驚央及池魚受傷呀。
那邊箱王子卻表示，不滿自己啲血汗錢用咗响呢度。。。
我好怕同D球迷同車,佢地好鬼嘈.
回覆刪除有同感，醉咗仲恐怖，夏天又有臭味
刪除yeah yeah, 見到要即閃
刪除唔知幾時開始啲球迷借啲2睇波攪事，入場搜1輪，連水都話唔比帶住蓋入，睇波都幾麻煩嘅。
回覆刪除雖然現場氣氛好好，但係真係有人特登攪事架
刪除最怕沙塵滾滾, 殺錯良民呀
回覆刪除做路人甲都受傷就唔抵啦
刪除啲球迷飲完酒仲癲啲添, 見到都要行開呀.
回覆刪除係呀，面紅紅，好鬼嘈架
刪除D捧不同球隊的球迷好瘋癲，唔睇住可能又搞事
回覆刪除咁多人瘋癲起上黎，同暴動無異呢
刪除我喺電視睇波都成日見啲球迷搞事 ,又放煙花 又掟嘢都覺得好驚驚 , 妳哋仲係現場直擊更加驚心 !
回覆刪除現場驚驚架，因為真係好多人，癲起上黎，d警察攪唔掂架
刪除