小家庭之彈性炆餸

對於小家庭，炆餸是有點難度。
炆得多，食足幾日。
炆得少，浪費能源。

我家有用壓力煲，沒有浪費能源嘅問題。
問題是這裡超市買肉，多數是完整一大包買，例如買牛筋，一買便1kg。
牛筋唔同牛腩，不能獨炆，買了1kg牛筋，便要買番500g至1kg牛腩去同炆先好味。
所以以前我家炆一次牛筋腩，兩個人要吃足幾餐，再喜歡吃，也會吃到悶。
現在我有一個彈性炆餸習慣，便是只炆牛筋腩至六、七成軟淋，再分幾份貯存。
因為要有彈性，底汁我只會用少許薑、八角、鹽及豉油去炆。
要用時先再解凍，再配不同的汁及配料去煮牛筋腩至完全軟淋，咁就唔悶啦。
是日煮了印度咖哩薯仔牛筋腩。

吃前先爆香洋葱粒同薯仔塊，再加入咖哩醬、蕃茄、調味及牛筋腩，炆筋腩至完全軟淋，再焗一會等佢入味便可。

想不到吃什麼、懶煮、冇心情、冇時間、臨時要加餸，拿一份出來處理一下便可以，甚方便呢。