先補倉做了一大盤貢丸，肉漿前一晚已經做好，煮熟後再分一包包入冰格慢慢食。
搞掂貢丸整甜品，家中碰巧同時有杧果又有柚子，想做楊枝甘露。
之前試過揾杧果雪糕，走遍各大洋超都冇。
好耐冇食，冇杧果雪糕都照整。整咗十幾杯，夠幾日食。
天氣又凍又濕，煲咗蕃茄薯仔豬骨湯。
久久冇食餡餅，見家裡有白蘿蔔，做了蘿蔔絲餡餅。
蘿蔔絲會出水，餡餅會較多汁。自問不是麵點高手，但响異地有即煎即食，又熱又脆嘅餡餅食都唔簡單架。
你看過漫畫「找死的兔子」（ The Book of Bunny Suicides ）嗎？
我家沒有兔子要找死，但有王子要找死，這人吃了5隻餡餅以後，幽幽掉下一句：我還是愛蒸包多一點，然後再吃3隻。。。
吓，咁你仲食8隻？！你咁即係挑我機啫！
以上食品，在香港很容易便能吃到。
在這裡，外面完全冇得食，要食必需靠自己雙手。。。
香港食咩都方便，在外國， 煮食是樂趣。
回覆刪除完全唔識煮住我度會好惨，英國好好多，多好多嘢食呀
刪除我度印超有賣賓賓o野,好似見過有杧果雪糕.
回覆刪除我度唔多見賓賓o野架，唔知佢哋响邊買國貨呢
刪除好在我呢度大把唐餐館, 不過我都係鍾意自己整
回覆刪除我度移民少，唐餐館啲質素似歐洲旅行團d團餐
刪除咁比較我在這裡都幾幸福啦，冇香港都有唐人野食
回覆刪除你度好好呀，超多小食店，我最like呀
刪除呢度超市都有D亞洲炒麵炒飯賣, 不過見到都唔想食, 我家個位問佢好唔好味, 佢會答OK啦, 之後都話我食都係令你開心, 唔好浪費 X-(
回覆刪除超市d亞洲食品有3份之2係我未見過架，見到都唔想食－不能同意更多呀
刪除莫非王子以後想吃風？
回覆刪除他日我都試下學你整貢丸，出面買嘅太唔安全了。
有時我會叫佢食番本地嘢，佢已經驚。。。
刪除我度d貢丸、牛丸感覺上好假，應該都係唔安全
i have gotten used to european food, so we eat all local food, no Asian food for many years already
回覆刪除我真係唔得呀，我會掛住亞洲食品，所以想食時就自己動手
刪除你呢日真係整咗好多嘢食噃. 喺外國要食嘢都係要靠自己, 我都係因為以前喺英國讀書逼住要自己煮.
回覆刪除英國比呢度好好多，多啲移民多啲選擇呀
刪除想食就要自己整。。。。我們都係！找C的王子，五行欠打！我要食煎唔要蒸！楊枝甘露是我家老闆至愛！！
回覆刪除自己整之餘，連物資都未必買到呀，我諗你度仲多功夫要自己做。。。
刪除你住在那裡? 無唐人街? 我這裡有唐人街, 貢丸有現成, 也有台灣店買很多飲品, 更有干煎包這類東西.....
回覆刪除德國呀，移民少，無唐人街只有中小型亞洲超市，同你度冇得比呢
刪除