洋薏米炆牛筋腩、印度咖哩薯仔魚、炒雜菜

小家庭之彈性炆餸第二彈！

呢度嘅洋人都流行用各種粗糧伴肉食，或者同煮，是日我用咗洋薏米crossover中式炆牛筋腩。
預先浸洋薏米2小時以上，爆香洋葱粒同甘荀塊，再加入罐裝蕃茄、香草、調味、水及一份彈性炆牛筋腩，炆筋腩及洋薏米至軟淋便可。
唔煮飯，呢個淨食都得，洋薏米口感好、健康但冇味，吸咗啲腩汁可以幫佢升呢架。
加咗洋薏米個汁會杰咗，有啲似risotto，可以減少食肉嘅份量但又唔會太寡。

呢排成日想食咖哩－整咗印度咖哩薯仔魚。

炒雜菜。