海鮮餐

見blog友們買青口，見自己好耐冇買，又去敗啲返黎。

今次去咗其中一家海鮮批發中心買。
海鮮批發中心早上四時便開門營業至下午，主要係餐廳買手黎入貨多。
佢又有做零售，而海鮮類選擇亦比較多，所以我久唔久都去買下嘢。
咁啱屋企有light cream，是晚煮了白酒忌廉青口。

 見到有西班牙凍蝦，又敗啲。

 海鮮批發中心附近有土超，敗多隻土以其包。

土以其包勁吸汁，食到底便可以用包點汁食。

食完王子同我講話今次啲青口比較瘦，同埋唔夠法國、西班牙同意大利平。
做女明星要有事業線，食海鮮要有海岸線，條線短怪得邊個呢。。。