全城一起放煙花

除夕夜，老爺奶奶到了我們家慶祝。
除了吃，主要是看除夕煙花。

越式柚子魷魚沙律，勁清新。特別做了大號沙律去配合除夕較heavy嘅食物。
老爺奶奶第一次食柚子，很喜歡，說以後自己也要買來吃。
原來他們在洋超見過，但完全想像不到可以怎樣打開、怎樣吃、味道怎樣.....唔敢買。
幸好我留下了柚皮，可以向他們解釋怎樣處理和配甚麼吃呢。

燒羊排骨，不想吃太多肉，只做了較少份量。

洋葱意大利香草芝士汁大蝦伴麵，三位洋人看到時雙眼發光。

吃完主菜，要中場休息。
甜品時間又到，我今年做了小型甜品buffet。

三色布甸: 木槺布甸、芒果布甸、朱古力coffee baileys香蕉布甸。

萍果雜莓金寶配榛子雪糕

吃飽了，便開始欣賞煙花。
我哋度政府係唔會出錢放煙花嘅，除夕放煙花係私人活動。
所以聖誕過後，到處都是主打賣煙花。啲人好豪架 ，幾百歐咁買。
我們家在較高處，可以看到全城一起放煙花。
你可以想像全城一起放煙花是怎樣的嗎？係勁震撼架！
想影好啲，太黑唔得啊！

跟政府放的煙花不一樣，不是很大，但好多好多，响不同山頭會突然冒出煙花，衝上雲霄，形成天上嘅七彩繁星。
奶奶說很超現實，是她一生人見過最美麗嘅煙花。
老爺說好像全城人為佢放煙花，同佢講新年快樂。
最爽嘅係，我們唔使捱凍、唔使同人迫、仲要唔使俾錢已經可以看到!!!
其實由晚餐後已經開始有人放煙花，直至凌晨2點還有人在放，高峰期是11點半至12點半之間。

Schornsteinfeger(chimney sweep)係奶奶送俾我哋嘅 lucky symbol。
祝福唔怕多， 祝大家嘅2014過得燦爛！