垃圾級豬頸肉

某天看本地飲食雜誌，見到介紹豬頸肉呢個食材。
呢度啲人食豬頸肉？咁啲豬頸肉响邊度黎？點解我從來未見過？
問王子， 王子話見過老爺買，不過唔知响邊度買。
唔甘心， 問老爺，佢話有時洋超會有，不過好少見，近幾年都冇見過。
仲係唔甘心，問洋超客服，佢話冇豬頸肉只有豬頭。。。呢個免啦我無能為力呀。。。。
仲係唔死心，問肉店店長，佢竟然話有喎，不過要訂。
店長好均真地叮囑我，豬頸肉好少人買，屬於垃圾等級/下欄嘢，會一大塊連皮同肥咁黎，要自己起肉，咁當然價錢都係垃圾等級啦。
買回來的新鮮豬頸肉成1.5kg。

如肉佬所言，去皮同肥後只剩下約650g嘅肉。

用摩洛哥醃料醃了一晚，唔想開爐焗，想煎。
這是我哋嘅周末午餐。 有你愛吃的嗎？

久違了嘅煎豬頸肉，一定會再買，下次點食好呢？

豬頸肉較肥，另外的菜便要清一點。
有王子大愛嘅牛油果沙律，顏色也很吸引，吃完一大碗還嚷着不夠，整個下午咕嚕咕嚕。

仲有大家都愛嘅釜飯。