梅菜扣肉

同blog友Wien Ohtria一樣，我買咗呢隻梅菜。
真出事！你有冇留意到，佢中英不符？！
我想買甜梅菜，但係佢係咸架。
本來買黎蒸肉餅，咁冇計啦，只好「改變土地用途」。。。
不過其實，呢包嘢我一直冇理佢。。。

直至在東歐超買咗佢，就決定要處置咗包咸梅菜！

整過梅菜扣肉嘅都知，整梅菜扣肉唔少功夫架，所以我一次整三份，每份不太多，一份現食，二份入冰格，方便加餸。
扣肉始終唔係咁有益，一次唔應該食咁多。

小家庭，咁樣已經夠食。

梅菜扣肉隔夜先食仲入味，成份翻熱倒轉就可以。
梅菜扣肉真係巧巧送飯，尤其係啲入咗味嘅梅菜。

另一味一定要清呢，雜菜白味噌湯係我家最近常吃的。