自家乾式熟成法

睇開呢個台嘅朋友，大概都知我久不久會買Dry Age Steak(乾式熟成牛扒)。
Dry Age，其實不是牛嘅專利，豬都得！
買咗豬腩排，其實係平肉黎架，唔趕住食，於是整自家乾式熟成，幫塊肉upgrade呀。
自家乾式熟成，冇專業機器，時間不能太長，效果沒有專業那樣好，但肉質香氣皆會有進步。
豬腩排切好，用廚紙包幾層，碟上加上筷子，將豬腩排放在上面，入雪櫃雪3-4日，完成！
幾日後，啲肉會有啲類似芝士味 ，色澤也會暗咗，冇咁鮮紅，是正常的。
剛做咗一大樽洋薏米鹽麴，加啲黑椒碎用黎醃豬腩排。

焗好，肉好淋呢。
王子吃了兩大塊！
最搞笑係，第二天王子嘅午餐盒中其中一樣餸係豬腩排，佢翻熱時，某熱愛烹飪美食同事嗅覺靈敏，知道不是一般調味，即刻走入廚房問佢食乜，問佢個香味係點做出黎，同用邊part肉整，點整。。。
王子佢。。。平時淨係食，乜都唔知架，即時口啞啞。
同事於是叫佢問我。
於是，佢返到屋企，好認真咁問我。

同事咁有興趣，或者再做洋薏米鹽麴時，送枝俾佢吧。