低脂三文魚批

趁大減價，要陪王子去買王子的新衣，因為佢冇心機睇，佢自己去係買唔到抵嘢架。
通常係我睇咗再問佢鐘唔鐘意，鐘意先再去試。
今次佢用咗80歐買咗3條褲、5件上衣、1件冷衫，仲有一件pure cashmere上衣，堅抵呀，佢非常滿意。
我呢，之前已經响outlet買咗3對冬天鞋，一對Gabor、 一對ECCO、 一對Adidas，本來三對要300歐+，減價後係52歐咋！！！尤其係Gabor同ECCO，第一次買到咁平，非常鐘意佢地啲鞋，保暖又舒服，防風又防水，行耐咗隻腳都唔攰。
呢度冬天啲天氣， 對鞋真係勁重要。。。

返到屋企已經好攰啦，好彩屋企有剩菜－已經煮好咗嘅三文魚醬，咁用包Yufka，一層醬幾層Yufka咁，再焗25分鐘，就整咗個唔似剩菜嘅低脂三文魚批出黎。

包裝完，係咪唔似剩菜呢？！
個批只係面有少少Parmesan cheese，又冇用肉，用咗三文魚，呢個似Lasagna嘅批，低脂得多呢。

剛剛買咗番茜，用黎整沙律。

半個鐘有低脂三文魚批食，呢個要整多啲。