味醂一夜干(Repost)

Blogger short咗，如果上篇睇唔到， 睇呢篇啦！

去東歐超買餸，我最鐘意買魚。
我實在食唔慣洋超啲冰鮮魚，王子都話品質唔得。。。
今次响東歐超見到啲鮮魚勁平，拿拿淋買咗8條歐洲川鰈魚、2條鱸魚同4條鯖魚。
鱸魚會蒸，另外果啲整一夜干啦。
返到屋企，4條鯖魚不見了！東歐超俾咗4條樽魚！
我賺咗！！！哈哈哈！！！

上次整咗魷魚一夜干，係淨用海鹽水整。
但其實一夜干可以有唔同調味架，今次用味醂、醬油同糖，整味醂一夜干。
將魚劏好，洗淨，厚肉嘅將佢中間切開，薄啲方便入味。
魚印乾水，用100g醬油、200g味醂，加入2-3湯匙糖，試味，與1-1.2kg魚拌勺，等3-4個鐘。
吊起風乾一晚至大半日，便有味醂一夜干食啦。

風乾到表面乾已經ok。

包裝入冰箱，要食先煮！

晚餐都唔差架，係零油晚餐>>>>成餐冇用油煮。。。

薄漬靑瓜。

鰈魚味醂一夜干，烤至香口最好味。
啲邊脆先香口架 。

多菜湯。