它來自Ghana

因為病到天昏地暗，成幾日冇出街。
我習慣成日出去周圍行， 幾日冇得出街，似囚友，開始有長霉感覺，真攞命。
身體ok，即外出，吸收自由空氣！
屋企已經冇乜菜，要去去土超。
見到佢！雙眼發光！

它來自Ghana！土超仲開咗一隻做sample，即係正嘢啦！
木瓜呢度係貴嘢，呢啲一隻平時要2-3歐，仲要唔香又唔甜，買咗幾次，我投降唔買啦！
今次有sample睇，仲係1歐隻咋！
1歐咋！！！！

同王子分享一隻，又香又甜，幸好仲有三隻！

仲有來自西班牙嘅士多啤梨，又係又香又甜。
睇睇啲葉就知新鮮。
冬季比較沉悶， 有啲夏季水果食吓，生活會多啲色彩。。。