趕工

我做嘅手造白味噌，開咗黎食之後，成為咗我家呢個冬天嘅大愛！
6樽嘅白味噌，竟然响幾星期內差不多食哂。
我家王子亦由一個不喜味噌湯，變成愛味噌湯嘅人。
尤其係白味噌，有黃豆香之外，亦較甜，易入口。
當佢發現白味噌已經冇乜時，即時叫我趕工。
趁新年冇得外出 ，又做一批。

首先要培植麴，今次我做嘅白味噌內有簥麥麴同米麴。
成功培植麴之後，先可以煮黃豆做味噌呢。
這盤大概有3.5kg，做了兩盤呢。
入盒之後，真壯觀呀，7kg白味噌喔！

仲要俾時間工作，靜靜等候，才能做出鮮甜嘅白味噌呢！