榴槤

呢個唔係一般榴槤，係冰榴槤。
我度要食榴槤，就只有冰榴槤。
每一次响東歐超見到冰榴槤，我都拎出黎睇睇，每一次冰榴槤在我手，必定有人問我，究竟係乜、點食.......一大蘿問題，然後就會有人圍住聽，我就會做咗榴槤大使。。。
而最後，我都會叫佢地唔使買啦，應該唔啱佢地口味。。。
事實上，我亦未遇過愛吃榴槤嘅洋人。
我諗：如果個洋人長時間响泰國、新加坡、馬來西亞住過，或者先會慢慢愛吃呢。
見blog友Mommy Dearest成日有榴槤食，真係正。
終於响東歐超買咗一個，真想試呢！

响亞超買過3次，一次ok，兩次唔ok，唔ok嘅原因係：生骨又唔甜。
因為咁，我冇再响亞超買啦。
東歐超已經比亞超平，咁算唔算貴呢？

開冰榴槤要將佢完全解凍先可以開 ，開咗有咁多，大約1.2kg。
今次呢個ok喎，creamy又甜，冇生骨。
當然冇得同亞洲新鮮嘅比較啦，不過比較亦冇意思，呢度唔係亞洲嘛。